Չեմ ուզում շատ բողոքել, բայց այսպես շարունակել հնարավոր չէ: Վնասվածքիս մասին տեղյակ եմ պահել ֆեդերացիային ու նախարարությանը, լուրջ գումարների հետ է կապված, դիմել եմ իրենց, ասել են գնա արա, չեկերը կբերես, կտանք: Դա պատասխան չէ: Գնում ենք Եվրոպայի առաջնություն, վիտամին չունենք նույնիսկ, մարզահագուստ չունենք, դա ամոթ է մեզ համար: Գնում ենք տարբեր շորերով: 10 հոգով գնում ենք, ոչ մեկս ոչ մեկի նման չենք, կարծես փողոցից տղաներով գնանք: Մեդալի համար գոտեմարտից առաջ բժիշկ չունեինք նույնիսկ, որ թևս ստուգեր:

Գևորգ Ղարիբյան 2020 Եվրոպայի չեմպիոն

Մարտի 29-ին՝ Օսլոյի «Ուլևոլ» մարզադաշտում, կայացավ Նորվեգիա – Հայաստան ընկերական հանդիպումը։ Մեր ընտրանին զիջեց մրցակցին 0:9 հաշվով:

Նորվեգիա – Հայաստան 9:0 (5:0) 

Օսլո, «Ուլևոլ» մարզադաշտ

Մրցավար՝ Մադս-Քրիստոֆեր Քրիստոֆերսեն (Դանիա)

Գոլերը՝ Հոլանդ, 24, 45+1, Քինգ, 29 (11մ), 34, 59, Տորստվեդտ, 30, Դելի, 80, Սյորլոտ, 86, 90+1

Զգուշացումներ՝ Բայրամյան, 22, Օրսնես, 90

Հեռացում՝ Ա. Հովհաննիսյան,17

Նորվեգիա

1.Անդրե Հանսեն, 3. Կրիստոֆեր Այեր (15. Յենս Պետեր Հաուգե, 69), 7. Ջոշուա Քինգ, 8. Սանդեր Բերգե (16. Ֆրեդրիկ Օրսնես, 46), 9. Էրլինգ Հոլանդ (19. Ալեքսանդր Սյորլոտ, 46), 10. Մարտին Էդեգոր (ա), 11. Մոհամեդ Էլյունուսի (20. Մատս Մյոլեր Դելի, 46), 17. Ֆրեդերիկ Անդրե Բյորկան, 18. Կրիստիան Տորստվեդտ (23. Վետոն Բերիշա, 72), 21. Անդրեաս Անկե-Օլսեն (4. Ստեֆան Ստրանբերգ, 63), 22. Մարկուս Հոլմգրեն Պեդերսեն (14. Յուլիան Ռյուերսոն, 46)

Պահեստայիններ`13. Յակոբ Կարլստրյոմ, 2. Մորտեն Տորսբյու,5. Լեո Էստիգոր, 6. Մատիաս Նորման, 12. Ստիան Գրեգերսեն

Գլխավոր մարզիչ՝ Ստոլե Սոլբակեն

Հայաստան

1. Դավիթ Յուրչենկո, 3․ Վարազդատ Հարոյան (ա) (15. Դավիթ Տերտերյան, 75), 6․ Արման Հովհաննիսյան, 7․ Խորեն Բայրամյան (20. Արտյոմ Ավանեսյան, 46), 8․ Էդուարդ Սպերցյան (10. Գևորգ Ղազարյան, 35), 11․ Տիգրան Բարսեղյան, 17․ Սոլոմոն Ուդո (14. Հովհաննես Հարությունյան, 35), 18․ Էրիկ Վարդանյան (13. Կամո Հովհաննիսյան, 21), 19․ Ժորդի Արարատ, 21․ Ստյոպա Մկրտչյան, 23․ Վահան Բիչախչյան (2. Հովհաննես Նազարյան, 35)

Պահեստայիններ`12. Ստանիսլավ Բուչնև, 16. Հենրի Ավագյան, 4. Ժիրայր Մարգարյան, 5. Արտակ Գրիգորյան, 9. Արթուր Սերոբյան, 22. Արթուր Միրանյան

Գլխավոր մարզիչ՝ Խոակին Կապառոս

Շախմատի միջազգային ֆեդերացիան հրապարակել է դասակարգման նոր աղյուսակները:

Տղամարդկանց աղյուսակը վստահորեն գլխավորում է աշխարհի չեմպիոն Մագնուս Կառլսենը: Նրան հաջորդում են Ֆրանսիան ներկայացնող իրանցի շախմատիստ Ալիռեզա Ֆիրուջան և չինացի Դին Լիժենը:

ԱՄՆ տեղափոխված հայազգի գրոսմայստեր Լևոն Արոնյանը վաստակելով 2785 վարկանիշային միավոր, շրջանցել է ամերիկացի Ֆաբիանո Կարուանային և բարձրացել 4-րդ տեղ: Այդպիսով, նա դարձել է այդ երկրի առաջատար շախմատիստը:

100 լավագույն շախմատիստների ցանկում Հայաստանը ներկայացված է երկու հոգով: Գաբրիել Սարգսյանը 2681 միավորով 56-րդ հորիզոնականում է, իսկ Հրանտ Մելքումյանը 2649-ով գտնվում է 95-րդ տեղում:

Կանանց լավագույն հայրուրյակում մենք արդեն ունենք երեք ներկայացուցիչ` Էլինա Դանիելյանը (31-րդ տեղ), Աննա Սարգսյանը (55) և Լիլիթ Մկրտչյանը (76):