«Վաղը որ մեզնից զինվոր անցնի, բա մենք ո՞ւմ ենք տալու». Փաշինյան

Սյունիքի մարզի Շաքի բնակավայրում սահմանն ապօրինի հատելուց հետո ձերբակալված ադրբեջանցի զինծառայող Նասիմի Մուսաևն առնվազն որոշ ժամանակ կմնա Հայաստանում։ Այս մասին «Ինֆոքոմի» «Ctrl Z» հաղորդմանը տված հարցազրույցում հայտնել է Նիկոլ Փաշինյանը։

Փաշինյանի խոսքով՝ քրեական գործով ընթացակարգերն իրականացվելու են Հայաստանի Հանրապետությունում, իսկ Մուսաևն այժմ կալանքի տակ է։

Անդրադառնալով նրան հայ գերիների հետ փոխանակելու հնարավորությանը՝ վարչապետը նշել է, որ նման մոտեցումը կարող է խնդիր առաջացնել, եթե հետագայում Հայաստանից զինծառայող անցնի Ադրբեջան․ այդ դեպքում, նրա խոսքով, պարզ չի լինի՝ ում դիմաց կարող է իրականացվել փոխանակումը։

Աղբյուր՝ 168.am