Նեթանյահուն Էրդողանի դեմ ապացույցներ է հավաքում՝ ընտրություններից առաջ

Թուրքական լրատվամիջոցների հաղորդմամբ՝ Իսրայելի վարչապետ Բենիամին Նեթանյահուն հոկտեմբերի 27-ին նախատեսված խորհրդարանական ընտրություններից առաջ փորձում է ներքին աջակցությունն ամրապնդել՝ թիրախավորելով Թուրքիայի նախագահ Ռեջեփ Թայիփ Էրդողանին։

Իսրայելական «i24NEWS»-ի տեղեկություններով՝ Նեթանյահուն պաշտոնյաներին հանձնարարել է սեպտեմբերի վերջին Էրդողանի դեմ ապացույցներ հավաքել։ Նշվում է, որ այդ նյութերը նախատեսվում է փոխանցել Միջազգային քրեական դատարան (ՄՔԴ)։

Միաժամանակ հաղորդվում է, որ նախաձեռնությունը, հավանաբար, իրավական հետևանքներ չի ունենա, քանի որ Թուրքիան և Իսրայելը Հռոմի կանոնադրության կողմ չեն և չեն ճանաչում ՄՔԴ-ի իրավասությունը։ Դա սահմանափակում է դատարանի՝ երկու երկրներում հետաքննություն իրականացնելու հնարավորությունը։

ՄՔԴ-ն, իր հերթին, Նեթանյահուի նկատմամբ ձերբակալման օրդեր է տվել՝ Գազայում խաղաղ բնակիչների սպանության, դաժանության և պատերազմի վարման մեթոդի կիրառման մեղադրանքներով։ Իսրայելը այդ օրդերը համարում է անօրինական։

Էրդողանը հայտարարել է, որ Իսրայելի վարչապետը և իշխող «Լիկուդ» կուսակցությունը պետք է պատասխանատվության ենթարկվեն Պաղեստինում բռնության համար, և աջակցում է Իսրայելի նկատմամբ միջազգային ճնշմանը։ Թուրքական աղբյուրների գնահատմամբ՝ Էրդողանին ու Թուրքիային նախընտրական օրակարգի կենտրոնում հայտնվելը Նեթանյահուի ներքաղաքական աջակցությունն ամրապնդելու փորձի մաս է։

Աղբյուր՝ 168.am