«Փաշինյանը չգիտի CEPA-ի ստորագրման տարեթիվը». Արմեն Աշոտյան

Արմեն Աշոտյանը կասկածի տակ է դրել Հայաստանի եվրոպական ապագայի վերաբերյալ Նիկոլ Փաշինյանի հայտարարությունների լրջությունը՝ հորդորելով այդ մասին դատել վարչապետի այսօրվա հարցազրույցի մի հատվածից։

Աշոտյանի խոսքով՝ այդ հատվածում առնվազն երկու խնդիր կա։ Նախ՝ Փաշինյանը, ըստ նրա, չի իմացել, թե երբ է ստորագրվել Հայաստան-ԵՄ հարաբերությունների հիմնաքար համարվող CEPA-ն։ Աշոտյանը նշել է, որ համաձայնագիրը ստորագրվել է 2017 թվականին, ոչ թե 2016-ին։

Երկրորդ՝ Աշոտյանի պնդմամբ՝ Փաշինյանն ինքն էլ լուրջ փաստաթուղթ չի համարում դեկտեմբերի 2-ին՝ ՀՀ-ԵՄ գործընկերության խորհրդի 6-րդ նիստի շրջանակում ստորագրված «ՀՀ-ԵՄ գործընկերության ռազմավարական օրակարգը» և հարցազրույցում այն չի հիշատակել որպես կարևոր ձեռքբերում։

Աշոտյանը նաև նշել է, որ մինչ այդ իշխանության քարոզչությունը փաստաթուղթը ներկայացնում էր որպես «դարակազմիկ»։

Աղբյուր՝ aravot.am