Անի Ավետիսյանին դեռ երեք վիրահատություն է սպասվում․ բժիշկները փորձում են փրկել նրա ոտքը

Ադրբեջանցու կրակոցից վիրավորված Անի Ավետիսյանի առողջական վիճակը բարդ է, և բժիշկները փորձում են փրկել նրա ոտքը։ Այս մասին «Sputnik Արմենիային» հայտնել է նրա քույրը՝ Արփի Ավետիսյանը։

Նրա խոսքով՝ Անիի մոտ ծնկն առանձնացել է, ջլերը կտրվել են, սակայն այս պահին առաջնային խնդիրը ոտքը փրկելն է։ Արփի Ավետիսյանը նշել է, որ նախորդ օրը բժիշկները հեռացրել են ոսկորի երկու բուռ փշրանքներ և արկի բեկորներ՝ վարակը կանխելու նպատակով։

Քրոջ խոսքով՝ Անիին դեռ երեք վիրահատություն է սպասվում։ Բժիշկները հույս ունեն իմպլանտ տեղադրել, իսկ մոտ ութ ամիս անց կրկին վիրահատել, որպեսզի նրա ոտքերը հավասար լինեն։

Աղբյուր՝ yerevan.today