Մամիկոն Ասլանյանը իշխանություններին կոչ է արել ուժեղացնել անվտանգային միջոցառումները

ԱԺ հայտարարությունների ժամին «Ուժեղ Հայաստան» խմբակցության պատգամավոր Մամիկոն Ասլանյանն անդրադարձել է Շաքիի դեպքերին։ Նա նշել է, որ ադրբեջանցի զինծառայողը, ըստ իր գնահատականի, անարգել ներթափանցել է Հայաստանի տարածք, հասել բնակավայր, ապա հայտնվել բնակելի տանը՝ վնաս պատճառելով ընտանիքի անդամներին և ահաբեկելով երեխաներին։

Ասլանյանի խոսքով՝ զինծառայողը բնակավայր է հասել 13,15 կմ հեռավորությունից, իսկ տան անդամներից մեկը կարողացել է կանխել նրա հետագա գործողությունները։

Պատգամավորը իշխանություններին հորդորել է մեծացնել և զարգացնել անվտանգային ու պաշտպանական միջոցառումները՝ փոխարենը խնդիրը քննադատելու և առաջ անցնելու։

Աղբյուր՝ aravot.am