Վոլոդինը 406 ձայնով վերընտրվել է Ռուսաստանի Պետդումայի խոսնակ

Ռուսաստանի Պետդումայի իններորդ գումարման պատգամավորները առաջին լիագումար նիստում կրկին խոսնակ են ընտրել Վյաչեսլավ Վոլոդինին։ Նրա թեկնածությանը կողմ է քվեարկել 442 պատգամավորից 406-ը։

Վոլոդինի մրցակիցը՝ Ռուսաստանի Դաշնության կոմունիստական կուսակցության ներկայացուցիչ Դմիտրի Նովիկովը, ստացել է 36 ձայն։ Վոլոդինին առաջադրել էր «Եդինայա Ռոսիա» խմբակցությունը։

Նա Պետդումայի խոսնակ է եղել նաև յոթերորդ և ութերորդ գումարումների ընթացքում։ Ռուսաստանի Լիբերալ-դեմոկրատական կուսակցությունը, «Նոր ժողովուրդը» և «Արդար Ռուսաստանը» այդ պաշտոնի համար թեկնածուներ չեն առաջադրել։

Աղբյուր՝ yerevan.today