Արտաքին աշխարհ
«Թուրքիան կանգնած է եղբայրական Սաուդյան Արաբիայի կողքին». Էրդողան
Թուրքիան իր քաղաքականությունը չի կառուցում էթնիկ կամ դավանանքային գործոնների հիման վրա և կողմ է տարածաշրջանի բոլոր հատվածներում խաղաղության հաստատմանը։ Այս մասին Թուրքիայի նախագահ Ռեջեփ Թայիփ Էրդողանը հայտարարել է Անկարայում կառավարության ավելի քան երեք ժամ տևած նիստից հետո կայացած ճեպազրույցում։
Անդրադառնալով Եմենի հուսիների կողմից Սաուդյան Արաբիայի ուղղությամբ իրականացված հարձակումներին՝ Էրդողանը դատապարտել է Էր Ռիադի օդանավակայանի գնդակոծությունը, որի հետևանքով, նրա խոսքով, զոհվել է 12 մարդ, այդ թվում՝ ուխտավորներ։
Թուրքիայի նախագահի տեղեկացմամբ՝ Անկարան քայլեր է ձեռնարկում Սաուդյան Արաբիայի հետ պաշտպանական համագործակցության ինստիտուցիոնալ հիմքեր ստեղծելու ուղղությամբ։ Նա նաև հայտնել է, որ Սաուդյան Արաբիայի և Պակիստանի հետ պաշտպանական համաձայնագրի տեքստը շուտով կներկայացվի Թուրքիայի Ազգային մեծ ժողովի հաստատմանը։
Էրդողանը վստահեցրել է, որ Թուրքիան տարաձայնությունները ձգտում է լուծել դիվանագիտական ճանապարհով։
Աղբյուր՝ 168.am
