Արտաքին աշխարհ
Ռայլի Բարնսը ծանոթացել է Մատենադարանի ձեռագրական ժառանգությանը
ԱՄՆ պետքարտուղարի՝ ժողովրդավարության, մարդու իրավունքների և աշխատանքի հարցերով տեղակալ Ռայլի Բարնսը Մատենադարանի տնօրեն Արա Խզմալյանի ուղեկցությամբ այցելել է թանգարան և շրջել ցուցասրահներում։
Այցի ընթացքում նրան ներկայացվել են հայկական ձեռագրական արվեստի նմուշներ, Մատենադարանի քարտեզագրական ժառանգության հնագույն օրինակներ, ինչպես նաև ԱՄՆ դեսպանի մշակութային արժեքների պահպանության հիմնադրամի աջակցությամբ իրականացվող «Լեռնային Ղարաբաղում գրչագրված ժառանգության վերականգնումն ու հանրայնացումը» ծրագրի արդյունքները։
Այցի ավարտին Ռայլի Բարնսը Մատենադարանի տպավորությունների մատյանում գրել է, որ այցելությունը հրաշալի էր և անմոռանալի։ Նա շնորհակալություն է հայտնել Հայաստանի և աշխարհի հազարամյա պատմությունը պահպանելու համար՝ նշելով. «Մենք պարտական ենք ձեզ»։
Աղբյուր՝ aravot.am
