Եվրախորհրդարանի 122 պատգամավոր կոչ են արել քննարկել սառեցված ռուսական ակտիվների օգտագործումը

Եվրախորհրդարանի 122 պատգամավոր դիմել են Եվրահանձնաժողովին՝ կոչ անելով վերաբացել Ուկրաինային աջակցելու նպատակով սառեցված ռուսական ակտիվների օգտագործման հարցը, հաղորդում է Euronews-ը։

Պատգամավորների առաջարկի համաձայն՝ ավելի քան 200 միլիարդ եվրոյի ռուսական ակտիվները, որոնք պահվում են Euroclear-ում, պետք է փոխանցվեն Եվրամիության հատուկ մեխանիզմի։ Այդ միջոցներով նախատեսվում է աջակցել Ուկրաինային։

Առաջարկվող մեխանիզմը պետք է նաև ԵՄ անդամ երկրների միջև բաշխի Ռուսաստանի հնարավոր դատական հայցերի և պատասխան միջոցառումների հետ կապված իրավական ու ֆինանսական ռիսկերը։

Աղբյուր՝ 168.am