Քաղաքականություն
Իվետա Տոնոյան․ «Բացարձակ հիմնազուրկ քրեական գործի շրջանակներում է Գագիկ Ծառուկյանը կալանավորված»
«Բարգավաճ Հայաստան» կուսակցության խոսնակ Իվետա Տոնոյանը հայտարարել է, որ կուսակցության նախագահ Գագիկ Ծառուկյանը կալանավորվել է «բացարձակ հիմնազուրկ քրեական գործի շրջանակներում»։
Հրավիրված ասուլիսում Տոնոյանը նշել է, որ խորհրդարանում ներկայացված լինելը ԲՀԿ-ի համար երբևէ ինքնանպատակ չի եղել։ Նրա խոսքով՝ կուսակցության առաջնահերթությունը ընտրողների ձայնի իրավունքի իրացումն է, որից, ըստ նրա, փաստացի զրկվել են ԲՀԿ-ի շուրջ 60 000 ընտրողները։
Տոնոյանի պնդմամբ՝ 60 000 ընտրողի ձայների և մանդատների «գողությունից» հետո իշխանությունն անցել է քաղաքական հետապնդումների իրականացմանը, և այդ գործընթացի շրջանակում կալանավորվել է ԲՀԿ նախագահը։
Աղբյուր՝ yerevan.today
