Երկրորդ շարքում կայանելու համար կազմվել է 35 392 արձանագրություն

ՆԳՆ ոստիկանության պարեկային ծառայությունը խստացրել է խցանումներին նպաստող խախտումների, այդ թվում՝ տրանսպորտային միջոցները երկրորդ շարքում կայանելու դեպքերի նկատմամբ վարչարարությունը։

Ոստիկանության տվյալներով՝ 2026 թվականի առաջին ինն ամիսներին այս խախտման համար պարեկային ծառայողները կազմել են 35 392 արձանագրություն։ Նախորդ տարվա նույն ժամանակահատվածի համեմատ արձանագրությունների թիվն ավելացել է 21 151-ով։

ՆԳՆ ոստիկանությունը վարորդներին հորդորել է պահպանել կայանման կանոնները, չխոչընդոտել երթևեկության մյուս մասնակիցների տեղաշարժին և չնպաստել խցանումների առաջացմանը։

Աղբյուր՝ aravot.am