«Քաղաքացիական ենթակառուցվածքների թիրախավորումը միջազգային իրավունքի խախտում է». Թուրքիայի ԱԳՆ

Թուրքիայի արտաքին գործերի նախարարությունը դատապարտել է Եմենի հութիների կողմից Սաուդյան Արաբիայի մայրաքաղաք Էր Ռիադի Խալիդ թագավորի անվան միջազգային օդանավակայանի վրա իրականացված հերթական հարձակումը։

Թուրքիայի ԱԳՆ-ի հայտարարության համաձայն՝ քաղաքացիական ենթակառուցվածքների և խաղաղ բնակիչների դիտավորյալ թիրախավորումը միջազգային իրավունքի և միջազգային մարդասիրական իրավունքի սկզբունքների ակնհայտ խախտում է։

Անկարան ցավակցություն է հայտնել զոհվածների հարազատներին, վիրավորներին մաղթել շուտափույթ ապաքինում և վերահաստատել աջակցությունը Սաուդյան Արաբիայի ինքնիշխանությանն ու տարածքային ամբողջականությանը։

Հարձակումը դատապարտել է նաև Թուրքիայի իշխող «Արդարություն և զարգացում» կուսակցության (ԱԶԿ/AKP) փոխնախագահ և խոսնակ Օմեր Չելիքը։

Աղբյուր՝ aravot.am