Սևան-Երևան ճանապարհին «Mercedes»-ը դուրս է եկել երթևեկելի գոտուց և շրջվել․ 4 վիրավոր

Հոկտեմբերի 11-ին՝ ժամը 16:50-ի սահմաններում, Կոտայքի մարզում խոշոր ավտովթար է տեղի ունեցել։ «Mercedes» մակնիշի ավտոմեքենան Սևան-Երևան ավտոճանապարհին դուրս է եկել երթևեկելի գոտուց, բախվել երկաթե արգելապատնեշներին, մեկ պտույտ շրջվել և հայտնվել դաշտում։

Ֆոտոլրագրող Գագիկ Շամշյանի տեղեկություններով՝ վթարի հետևանքով չորս մարդ տեղափոխվել է հիվանդանոց։ Ըստ նրա՝ վիրավորները ամուսիններ են և նրանց երկու անչափահաս երեխաները։

Աղբյուր՝ yerevan.today