Շատ ժողովրդավար Ֆրանսիայում դպրոցականների բողոքի ցույցերի ընթացքում 6629 մարդ է ձերբակալվել

Ֆրանսիայում դպրոցականների բողոքի ցույցերի ընթացքում ձերբակալվել է 6629 մարդ։ Այս մասին հայտնել է երկրի ներքին գործերի նախարար Լորան Նյունյեսը՝ ամփոփելով շարունակվող ակցիաների արդյունքները, հաղորդում է BFMTV-ն։

Նախարարի տվյալներով՝ երեքշաբթի երեկոյի դրությամբ բողոքի ցույցերի հետևանքով տուժել է 761 ոստիկան և ժանդարմ, ինչպես նաև 215 աշակերտ ու դպրոցների 89 աշխատակից։

Հարյուրավոր ուսումնական հաստատություններ ընդգրկած ակցիաներն ուղեկցվել են իրավապահների հետ բախումներով, հրկիզումներով և դպրոցական շենքերի վնասմամբ։ Միջադեպերից հետո իշխանությունները խստացրել են անվտանգության միջոցառումները՝ փորձելով պաշտպանել աշակերտներին ու դպրոցների աշխատակիցներին և կանխել անկարգությունների տարածումը։

Ավելի վաղ Լորան Նյունյեսը հայտարարել էր դպրոցների մոտ անցկացվող ակցիաների ժամանակ լուսաձայնային նռնակների կիրառումը դադարեցնելու մասին։ Այդ որոշումը հաջորդել էր Լանս քաղաքում տեղի ունեցած միջադեպին, որի ժամանակ 15-ամյա դեռահասը ձեռքի ծանր վնասվածք էր ստացել։ Դեպքի հանգամանքները քննվում են։

Աղբյուր՝ 168.am