ԱՄՆ-ը Իրանի հետ հակամարտության ընթացքում կորցրել է 25 ինքնաթիռ, 49 ԱԹՍ և 7 ուղղաթիռ

Իրանի հետ հակամարտության սկզբից ի վեր ԱՄՆ զինված ուժերը կորցրել են 25 ռազմական ինքնաթիռ, 49 անօդաչու թռչող սարք և 7 ուղղաթիռ։ Այս տվյալները ներկայացված են ԱՄՆ Կոնգրեսի հետազոտական ծառայության նոր զեկույցում։

Զեկույցի համաձայն՝ մարտական գործողությունների և «յուրայինների կրակի» հետևանքով ոչնչացվել են 15 «F-15E Strike Eagle» կործանիչ, հինգերորդ սերնդի մեկ «F-35C Lightning II» կործանիչ և երկու «A-10 Thunderbolt II» գրոհիչ։ Ավիացիոն աղետների ու ավիաբազաների իրանական գնդակոծությունների հետևանքով կորուստների թվում են նաև 7 «KC-135 Stratotanker» ինքնաթիռ-լիցքավորիչ, մեկ «EC-3 Sentry AWACS» ռադիոլոկացիոն հայտնաբերման և կառավարման ինքնաթիռ, ինչպես նաև «MC-130J» կրակային աջակցության ինքնաթիռը։ Վերջինս պայթեցվել է Իրանի տարածքում ամերիկացի զինվորականների իրականացրած որոնողափրկարարական գործողության ընթացքում։

ԱՄՆ-ի կորուստների մեջ ներառվել են առնվազն 45 «MQ-9 Reaper» հետախուզահարվածային ԱԹՍ, երեք «MQ-1» բազմամպատակային անօդաչու սարք և մեկ «MQ-4C Triton» ծովային հետախուզական ԱԹՍ։ Ուղղաթիռների կորուստները կազմել են յոթ հարվածային և բազմամպատակային պտուտաթիռ։

Կոնգրեսի բյուջետային վարչությունն ավելի վաղ՝ օգոստոսի 1-ի դրությամբ, կորցրած տեխնիկայի արժեքը գնահատել էր 1,9 միլիարդից մինչև 3,3 միլիարդ դոլար՝ կախված այն բանից, թե Պենտագոնը ինչ ծրագրերով կփոխարինի կորցրած միջոցները։

Աղբյուր՝ 168.am